Gaveke Wêrek, ‘Doxînsistîzm’ a Kurdî Derket

Spread the love

Pirtûka yekem ya nivîskar Devliken Kelogirî ku bi nivîsên xwe yên qerfî tê naskirin, bi navê ‘Doxînsistîzm’ derket pêş xwendevanan.

Doxînsistîzm wekî ku ji navê xwe jî dîyar e, piranî ji nivîs û çîrokên qerfî  pêk tê ku têkiliyên jin û mêran yên zayendî mijara sereke ye.

Nivîskar di vê pirtûkê de, bi nivîsên xwe dixwaze tirsa toreyên civakê ya li ser binhişîya têkiliyên zayendî bişkîne da ku keç û xort di têkilîyên xwe de xwe ji sînorên heyî rizgar bikin.

Ew di çîrok û nivîsên xwe yên vê pirtûkê de, mîzaha Kurdî bi zimanekî henekî tevî bikaranîna erotîzmê pêşkeşî xwendevanan dike.

Nivîskar her wiha di  beşa yekem ya pirtûkê de ku ji ristikên kurt pêk tê jî bi zimanê xwe yê xweser balê dikişîne ser xwedîderketin û bikaranîna zimanê Kurdî.

Di danasîna ‘Doxînsistîzm’ê de wiha tê gotin:

Ken, çalakiyeke îdeolojîk e!

Werin ser sifreya ken; em bi hev re bi vê feleka qahpik û qûnde bikenin.
Bi dengekî bilind û gur…
Werin ji bo demekê em giriyê xwe bi hêsirên ken bişon, bila girî ji rû û çavên me bar bike.
Devliken Kelogirî, bi zimanê xwe yî dirêj û çepel, bi kurmanciya xwe yî reş û xweş û bi pênûsa xwe yî tûj û tije ken, berhemeke ji qerf û henekên civata bav û kalên we li pirtûkên pirtûkxaneya we zêde dike.
Kesê ku bêriya ken kirine û ji mêj de ken ji rûyê wan xeyidiye, kerem bikin ser vê sifreyê…
Weşanxane: Do
Rûpel            : 191
Çap                : 2014
Tel        : +90 533 251 11 00
e-mail  : doyayinlari@hotmail.com
Rûpela Facebookê : facebook.com/dokitap