‘Game of Thrones’ Bo Kurdî Tê Amadekirin

Spread the love

Çend ciwanên Kurd ku li ser facebook û twitterê hatine cem hev, dest bi xebatê kirine ku rêzefîlma navdar ‘Game of Thrones’ ji bo temaşevanên kurd amade bikin. Wergera ji bo jêrnivîsa fîlm dest pê kiriye û çend beşên fîlm jî hatine amade kirin.

Game of Thrones Çawa Destpê Kir?

Rêzepirtûka George R. R. Martînî, ya bi navê Strana Agir û Qeşayê ku di sala 1991ê de weşana wê destpê kiriye, ji 7 pirtûkan pêk tê.

Navê pirtûka yekem ku di sala 1996ê de çap bûye, “Game of Thrones” e û pirtûka 5emîn jî bi navê “Dîlana Ejderhayan” di sala 2011an de hatiye çapkirin. Di heman salê de, HBO’yê dest bi rêzefîlmê kiriye û navê rêzefîlmê jî ji pirtûka yekem girtiye; Lîstikên Desthilatdariyê. Ji sala 2011ê heta 2015an, 5 demsal hatine girtin, her demsal ji 10 beşan pêk tê.

Pirtûk ji 50î bêhtir li zimanan hatiye wergerandin, û herwiha malperên danasîna rêzefîlmê jî bi gelek zimanan weşanan dikin. Di nav wan de êdî Kurdî jî cihê xwe digire. Malpereke bi navê “Game of Thrones Kurdistan” li ser facebook’ê hatiye damezrandin û herwiha rûpela wê ya li ser twitter’ê jî heye. Di van rûpelan de bi Kurdî danasîna rêzefîlmê tê kirin.

Bi Navê ‘Game of Thrones Kurdistan’ Werdigerînin Kurdî 066a847a-3459-4c3f-b734-3a279504956f

Çend ciwanên Kurdan jî hewl didin dest bi wergera Kurmanciyê ya Game of Thrones’ê bikin. Her wiha danasîna demsala 6an wergerandine.(https://www.facebook.com/gameofthronesKurdistan/videos/vb.1551301668429885/1818445588382157/?type=2&theater ).

Ciwanên Kurd ên dildarê Game of Thrones’ê, ji bo ku Kurd mecburî binnivîsa Tirkî nebin, hewl didin ku rêzefîlmê wergerînine Kurmancî.

Ji Bo Wergerandinê Alîkariyê Dixwazin 

Ger Kurd ên dildarê vê rêzefîlma fantastîk-dîrokî hebin û bixwazin alîkariya me bikin, dikarin bi me re bikevin têkiliyê. Û herwiha em dixwazin ku Kurd êdî bi zimanê xwe lê temaşe bikin.

Rûpela facebookê: https://www.facebook.com/gameofthronesKurdistan/

Rûpela twitterê: https://twitter.com/gameofthronesKU