Breaking News

Operasyona Kerkukê dewam e, 11 DAIŞ’î hatin kuştin

Hêza Lîwaya 16 a Wezareta Pêşmerge, li nêzîkê gundê Mûbarek Rehmanê 11 çekdarên DAIŞê kuştin.

Rêveberê Polîsên Nevçe û Qazayên Kerkûkê Serhed Qadir ji Rûdawê re ragihand:

“Îro danê sibê (22-10-2016), li nêzîkê gundê Mûbarek Rehman a ser bi bajarokê Leylan a Kerkûkê, komek çekdarên DAIŞê hatine dîtin.”

kerkuk Serhed Qadir got:

“Hejmara koma terorîstan 11 kes bûn. Ew terorîst bûn ku dize kiribûn nav bajarê Kerkûkê û piştî pevçûnên duh ji bajêr reviyabûn. Di dema pevçûnan de 3 ji wan xwe teqandin, 8 terorîst jî bi gulleyên pêşmerge hatine kuştin.”

Qadir da zanîn ku di dema pevçûnan de ti ziyanek pêşmergeyan nebûye û termê 8 çekdarên hatine kuştin jî bi otomobîlên hummer ên pêşmerge tînin Kerkûkê.

Hêjayê gotinê komek çekdarên DAIŞê demjimêr 03.30ê sibêya roja Înê (21-10-2016) dize kirine nav bajarê Kerkûkê, navçeya Dubizê û çend gundekî vê herêmê.

Çekdaran li navenda Kerkûkê xwestin baregahên polîsan yên Domîz û Edeleyê, avahiya parêzgariyê, avahiya rêveberiya kevin a polîsan, avahiya polîsên hawarhatinê kontrol bikin. Lê piştî ku li van navendan rastê berevaniya hêzên ewlekariyê hatin, çekdaran berê xwe dane otêl, mizgeft û hêlînxaneya zarokan.

Pevçûnên di nav bajêr de ji destpêka sibê heta derengiyên êvarî berdewam kir. Îro danê sibê dîsa li taxa Domîz a Kerkûkê, di nava dibistanekî de dora 5 çeldarên DAIŞê ji aliyê hêzên ewlekariyê ve hatiye dorpêçkirin. Pevççûn berdewam dikin.

Rûdaw

About nucexane

Check Also

Futbolîzê Kurd wê di tîma milî ya Swêd de bilîze

Futbolîzê Kurd Delaho Îrandost ê 22 salî ji bo tîma milî ya Swêd hat vexwendin. …

Bir cevap yazın

E-posta hesabınız yayımlanmayacak.

This site uses Akismet to reduce spam. Learn how your comment data is processed.