Breaking News

Ronayî Onen Xelata Ziman ya Feqî Huseyîn Sagniç Distîne

Enstîtuya Kurdî ya Stenbolê Xelata Ziman ya Feqî Huseyin Sagniç îsal dide Perwerdekar û lêkolînera Kurdî li Zanîngeha Bilgiyê Ronayî Onen.

Enstîtuya Kurdî ji sala 2005’an ve xelata zimanê Kurdî dide ku sala 2013’an jî ew xelat bi merasîmekê dabû Sazîya Zimanê Kurdî ya Rojavayê Kurdistanê.

Ronayî Onen ku hêjayî xelata îsal hatiye dîtin, demeke dirêj li Enstîtuyê jî di kar û barên perwerde û lêkolînên ser zimanê Kurdî xebat kirine.

Xelata Ronayî Onen, wê 18’ê Nîsana 2014’an ku roja salvegera damezirandina Enstîtuya Kurdî ya Stenbolê ye li Stenbolê bi merasîmeke taybet  were dayîn.

Enstîtuya Kurdî heta niha 9 kes bi Xelata Ziman ya Feqî Huseyîn Sagniç xelat kirine.

Zimanzan Zana Farqînî (2005), Lêkolînerê Kurdî Mihemed Malmîsanij (2006), Sîyasetvan Abdullah Demirbaş (2007), Rojnameya Kurdî Azadîya Welat (2008), Sîyasetvan Ahmet Turk (2009), Nivîskar û Helbestvan Kawa Nemir (2010), li ser navê girtîyên doza KCK’ê sîyasetvan Hatîp Dîcle (2011), Lêklîner û mamosteyê Kurdî Mulazim Ozcan (2012) û Saziya Zimanê Kurdî ya Rojavayê Kurdistanê – SZK Rojava ()2013)

Nûçexane

About nucexane

Check Also

Peykerê Hadî Ziyadînî

Bi wêneyan peykerên peykersazê kurd Hadî Ziyadînî

Peykersaz û hunermend Hadî Ziyadînî (1956-…) li Rojhilatê Kurdistanê li bajarê Sineyê dijî. Jiyana wî …